စီးပွားရေးလုပ်ငန်းတွေအတွက် ဖောက်သည်တွေအကြောင်းကောင်းကောင်းနားလည်နိုင်ဖို့အတွက် ဆိုတာ အခရာကျပါတယ်။

ဖောက်သည်တွေနဲ့ အလုပ်လုပ်ကိုင်နေရတဲ့အချိန်မှာ ဖောက်သည်တွေအကြောင်းကောင်းကောင်းနားမလည်ထားရင် အလကားပါဘဲ။

ဖောက်သည်တွေအကြောင်း ကောင်းကောင်းနားလည်လိုတယ်ဆိုရင်တော့ Customer Life Cycle အကြောင်းကို သိရှိထားဖို့လိုပါတယ်။

Awareness Stage

Customer Life Cycle ရဲ့ ပထမဆုံးအဆင့်ကတော့ awareness ဖြစ်ပါတယ်။ ဒီအဆင့်မှာဆိုရင်တော့ ကိုယ့်လုပ်ငန်းရဲ့ အလားအလာရှိတဲ့ဖောက်သည်တွေကနေ ကိုယ့်လုပ်ငန်းရှိ ကုန်ပစ္စည်း ( သို့ ) ဝန်ဆောင်မှုတွေကို စတင် သတိပြုမိတဲ့အဆင့်ဘဲဖြစ်ပါတယ်။

ဒီအဆင့်မှာဆိုရင်တော့ ကိုယ့်ရဲ့ Target Audience ဆီက အာရုံစိုက်မှုကိုရရှိစေနိုင်ဖို့အတွက် တိကျရှင်းလင်းတဲ့ message တွေ ပေးပို့နိုင်ဖို့အတွက် လိုအပ်ပါတယ်။ Customer တွေက ကိုယ့်ရဲ့ brand ကို ဘယ်လိုရှာဖွေတွေ့ရှိနေလဲဆိုတာတွေကို နားလည်အောင် လေ့လာစမ်းစစ်ပြီး နည်းဗျူဟာတွေသင့်လျော်အောင်ချမှတ်ဖို့အတွက်လိုအပ်ပါတယ်။

Consideration Stage

ဒုတိယအဆင့်ကတော့ Consideration အဆင့်ပါ။ ဒီအဆင့်မှာဆိုရင်တော့ ဖောက်သည်တွေက ကိုယ့်ရဲ့ Brand နဲ့ ပတ်သက်ပြီး စတင်စဉ်းစားနေတဲ့အဆင့်ဖြစ်တဲ့အတွက် သတင်းအချက်အလက်တွေ လုံလောက်အောင်ပေးဖို့ လိုပါတယ်။

ဒီအဆင့်မှာဆိုရင် ကိုယ့်ရဲ့ဖောက်သည်တွေက ကိုယ့်လုပ်ငန်းက ပေးနိုင်တဲ့ ကုန်ပစ္စည်းနဲ့ ဝန်ဆောင်မှုတွေကို လေ့လာစမ်းစစ်ပါတယ်။ ဒီအချိန်မှာ ကိုယ့်လုပ်ငန်းဖက်ကနေ ကုန်ပစ္စည်းတွေ ဝန်ဆောင်မှုတွေနဲ့ပတ်သက်ပြီး အချက်အလက်အသေးစိတ်နဲ့ ကိုယ့်ဖက်ကပေးနိုင်တဲ့ value တွေကို ချပြဖို့လိုပါတယ်။ ဒီအချိန်မှာ ဝယ်ယူမှုထောက်အကူပြုနိုင်တဲ့ လမ်းညွှန်တွေ၊ နှိုင်းယှဉ်ပြချက်တွေ၊ customer testimonial တွေကိုဖော်ပြနိုင်ပါတယ်။

Purchase Stage

တတိယအဆင့်ကတော့ အမှန်တကယ်ဝယ်ယူမှုတွေပြုလုပ်တဲ့ Purchase Stage ပါ။ ဒီအဆင့်မှာဆိုရင်တော့ ကိုယ့်ဖောက်သည်တွေရဲ့ဝယ်ယူမှုဖြစ်စဉ်တွေ တတ်နိုင်သမျှရိုးရှင်းအောင် ဆောင်ရွက်နိုင်ဖို့အတွက် ကူညီဆောင်ရွက်ရမှာဘဲဖြစ်ပါတယ်။

အသုံးများပြီး အဆင်ပြေတဲ့ Payment တွေနဲ့ ဆောင်ရွက်နိုင်အောင်၊ လုပ်ဆောင်ရတဲ့ အရာတွေကို တက်နိုင်သမျှ user friendly ဖြစ်အောင် ဆောင်ရွက်ထားဖို့လိုသလို ဝယ်ယူမှုတွေဖြစ်ဖို့ကို ပိုအားပေးနိုင်တဲ့ လျော့ဈေးထားပေးတာတွေ ၊ promotion ပြုလုပ်တာတွေ ဆောင်ရွက်နိုင်ပါတယ်။

Post-Purchase Stage

စတုတ္ထအဆင့်ကတော့ ဝယ်ယူပြီးနောက်တစ်ဆင့်ဖြစ်တဲ့ Post-Purchase Stage ဖြစ်ပါတယ်။

ကိုယ့်ရဲ့ဖောက်သည်တွေနဲ့ ဆက်ဆံရေးက ဝယ်ယူမှုတွေပြီးသွားတာနဲ့တင် အဆုံးသတ်မသွားသင့်ဘဲ ဝယ်ယူမှုတွေပြီးသွားသည့်တိုင် Customer Service ပေးတာတွေ၊ အဆင်ပြေမပြေ Follow-up ပြုလုပ်ပေးတာတွေ ဆက်လက်ရှိနေဖို့လိုပါတယ်။ ဒါမှသာ ကိုယ့်လုပ်ငန်းအနေနဲ့ customer တွေဆီက တုံ့ပြန်ချက်တွေကိုလဲ ပိုသိနိုင်မှာဖြစ်ပြီး Loyal Customer တွေတိုးလာစေမှာဖြစ်ပါတယ်။

Retention and Advocacy

နောက်ဆုံးအဆင့်ကတော့ Retention and Advocacy ဖြစ်ပါတယ်။ ဒီအဆင့်မှာဆိုရင်တော့ Customer တွေနဲ့ ရေရှည်ဆက်ဆံရေးတွေတည်ဆောက်နိုင်ဖို့အတွက်ကို ဆောင်ရွက်ရပါမယ်။

ကိုယ့်နားလက်ရှိ ရှိနေတဲ့ customer တွေကို ထိန်းသိမ်းထားနိုင်ပြီး Advocates တွေဖြစ်အောင်ပြောင်းလဲနိုင်ရပါမယ်။ ဒီလိုဆောင်ရွက်နိုင်ဖို့အတွက်ဆိုရင်တော့ တစ်ဦးချင်းစီအတွက် လိုအပ်တာတွေကို ဆက်သွယ် မေးမြန်း ဆောင်ရွက်မှုတွေပြုလုပ်နိုင်ပါတယ်။

အဆင့်တွေအကုန်လုံးပြီးဆုံးသွားသည့်တိုင် Customer Life Cycle မှာ အဆင်ပြေချောမွေ့နေစေဖို့အတွက် Customer Data တွေကို ပြန်လည်စမ်းစစ်ကြည့်ရှုတာတွေ၊ တုံ့ပြန်မှုတွေအပေါ်မူတည်ပြီး ပြုပြင်ပြောင်းလဲမှုတွေပြုလုပ်တာတွေနဲ့ အဆင့်တိုင်းမှာရှိတဲ့ marketing နည်းဗျူဟာတွေကို ပြန်လည်စမ်းစစ်ပြုပြင်တာတွေ ပြုလုပ်ဖို့လိုပါတယ်။

Customer Life Cycle အကြောင်းကို ကောင်းကောင်းနားလည်ပြီး Customer Life Cycle Template ကို အကျိူးရှိရှိအသုံးချလိုတယ်ဆိုရင်တော့ Sapwar Website မှာ အသုံးပြုနိုင်ပါပြီ။

Sapwar Marketing

လှည့်ကြည့်စရာမလိုတဲ့ Marketing Team တည်ဆောက်ပါ။